სოფელ ჭვინთის საჯარო სკოლის რეაბილიტაცია
ახალციხის მუნიციპალიტეტის სოფელ ჭვინთის საჯარო სკოლის მოსწავლეები, ახალი სასწავლო წლიდან, სწავლას რეაბილიტირებულ სკოლაში გააგრძელებენ.
სოფელ ჭვინთაში საჯარო სკოლის სარეაბილიტაციო სამუშაოებს ახალციხის მუნიციპალიტეტის მერია ახორციელებს.
პროექტის ფარგლებში წესრიგდება შენობის შიდა ინტერიერი და გარე ფასადი. კეთდება ახალი ხის კარები, ხის იატაკი, ილესება სკოლის გარე და შიდა კედლები, საკლასო ოთახებში კი სანათები დამონტაჟდება.
