8 მარტს ქალბატონებისთვის სპექტაკლი გაიმართა
ახალციხის მუნიციპალიტეტის მერიის ინიციატივით ქალთა საერთაშორისო დღესთან დაკავშირებით, მუნიციპალიტეტში მცხოვრები ქალბატონებისთვის „მესხეთის სახელმწიფო დრამატულ თეატრში“ სპექტაკლი გაიმართა. შადიმან შამანაძის პიესამ „ღია შუშაბანდი “ მაყურებლის დიდი მოწონება და აპლოდისმენტები დაიმსახურა.
მოწვეულ მანდილოსნებს ქალთა დღე მიულოცეს და წარმატებები უსურვეს ახალციხის მუნიციპალიტეტის მერმა ირაკლი ლაზარაშვილმა და საკრებულოს თავმჯდომარემ დავით ლომიძემ.