97 წარჩინებულ მოსწავლეს კომპიუტერები გადაეცა
ახალციხის მუნიციპალიტეტის საჯარო სკოლების 97 წარჩინებულ მოსწავლეს პორტაბელური კომპიუტერები გადაეცა.
დღეს სამუსიკო სკოლაში, წარმატებული მოსწავლეები სამხარეო, ადგილობრივი ხელისუფლებისა და საგანმანათლებლო რესურსცენტრის წარმომადგენლებმა დააჯილდოვეს.
პროგრამით „ჩემი პირველი კომპიუტერი“ ის საჯარო სკოლის მოსწავლეები სარგებლობენ, რომელთაც გასულ სასწავლო წელს საბაზო საფეხური დაასრულეს და მათი ნიშანი დამრგვალების გარეშე 10 ქულაა. საქართველოს განათლებისა და მეცნიერების სამინისტროს მოსწავლეთა წახალისების პროექტი ყოველწლიურად ხორციელდება და მისი მიზანი მოსწავლეთა მოტივაციის ამაღლებაა.