ახალციხის მუნიციპალიტეტში პროექტის „ღია დიალოგის“ ფარგლებში მოსახლეობასთან შეხვედრები მიმდინარეობს.

სამცხე-ჯავახეთის რწმუნებული ბესიკ ამირანაშვილი, ახალციხისა და ადიგენის მაჟორიტარი დეპუტატი გიორგი კოპაძე, ახალციხის მუნიციპალიტეტის მერი ზაზა მელიქიძე, საკრებულოს თავმჯდომარე გელა ნოზაძე, სამხარეო და ადგილობრივი ხელისუფლების წარმომადგენლებთან ერთად გიორგიწმინდაში , ფერსაში, მუგარეთში და საბარგო სადგურის დასახლებაში მცხოვრებ მოსახლეობას შეხვდნენ.

ხელისუფლების წარმომადგენლებმა ადგილობრივ მოსახლეობას მიმდინარე და დაგეგმილი ინფრასტრუქტურული პროექტების შესახებ ინფორმაცია გააცნეს.

შეხვედრაზე სხვადასხვა სახის პრობლემები გამოიკვეთა მათ შორის: გაზიფიცირების, სასმელი წყალისა და გზების მოწესრიგების პრობლემები.

მოსახლეობასთან შეხვედრების მთავარი მიზანი სწორედ მათი საჭიროებების გამოვლენა და მათზე დროული რეაგირებაა, ამიტომ პრობლემების აღმოსაფხვრელად მუშაობა აქტიურად გრძელდება.