• ქრონიკული დაავადებების მქონე პირთა მედიკამენტოზური მკურნალობის დაფინანსება

მედიკამენტოზური მკურნალობის დაფინანსების მიღება შუძლიათ ახალციხის მუნიციპალიტეტის ტერიტორიაზე რეგისტრირებულ, ქრონიკული დაავადებების (ეპილეფსია, ფსიქიური დარღვევები) მქონე პირებს:

•  რომელიც დარეგისტრირებულია სოციალურად დაუცველი ოჯახების მონაცემთა ერთიან ბაზაში და მისი ოჯახის მოქმედი სარეიტინგო ქულის რაოდენობა შეადგენს 0-დან 75 000-ის ჩათვლით, დაუფინანსდებათ გადასახდელი თანხის 100%-მდე, წლის განმავლობაში არაუმეტეს 200 (ორასი) ლარისა.
• რომელიც დარეგისტრირებულია სოციალურად დაუცველი ოჯახების მონაცემთა ერთიან ბაზაში და მისი ოჯახის მოქმედი სარეიტინგო ქულის რაოდენობა შეადგენს 75 001-დან 200 000-ის ჩათვლით, დაუფინანსდებათ მედიკამენტოზური მკურნალობა გადასახდელი თანხის 100%-მდე, წლის განმავლობაში არაუმეტეს 150 (ას ორმოცდაათი) ლარისა.

• „ახალციხის მუნიციპალიტეტის სათნოების სახლის'' უფასო სასადილოს მომსახურება

მოსარგებლე ბენეფიციარები:

• ახალციხის მუნიციპალიტეტის ტერიტორიაზე რეგისტრირებული მარტოხელა პენსიონერები, რომლებსაცარ ჰყავთ საკვების მიმწოდებელი;
• ახალციხის მუნიციპალიტეტის ტერიტორიაზე რეგისტრირებული უკიდურესად გაჭირვებული მოსახლეობის ის ნაწილი, რომელთაც არ აქვთ საკვების შეძენის საშუალება ან რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში, მოქმედი სარეიტინგო ქულით არაუმეტეს 75000-სა;

ბენეფიციარები უზრუნველყოფილნი იქნებიან ა(ა)იპ „ახალციხის მუნიციპალიტეტის სათნოების სახლის“ უფასო სასადილოში კვებით კვირაში 5 დღის განმავლობაში (შაბათ-კვირის, 1-ლი და 2 იანვრის გარდა).

• შეჭირვებული მოსახლეობის სოციალური დახმარება

მოსარგებლე ბენეფიციარები:

• ახალციხის მუნიციპალიტეტის ტერიტორიაზე რეგისტრირებული ოჯახები, რომლებიც განიცდიან მძიმე ეკონომიკურ სიდუხჭირეს და ვერ ახერხებენ ან გაჭირვებით ახერხებენ ცხოვრებისათვის აუცილებელი მინიმალური საყოფაცხოვრებო, საარსებო პირობების შექმნას; 
• მოქალაქეს, რომელიც დარეგისტრირებულია სოციალურად დაუცველი ოჯახების მონაცემთა ერთიან ბაზაში და მისი ოჯახის მოქმედი სარეიტინგო ქულის ოდენობა შეადგენს 0-დან 200 000-ის ჩათვლით;
• მოქალაქე, რომლის ოჯახის არცერთი წევრი არ არის დასაქმებული, ან არ გააჩნია რაიმე შემოსავალი;
•  რეინტეგრაციაში მყოფი ბავშვიანი ოჯახები და სახელმწიფო ზრუნვის სისტემიდან გასული პირები;

• მარტოხელა დედის და მარჩენალდაკარგულის სტატუსის მქონე ოჯახები.

ბენეფიციარები წელიწადში ოთხჯერ (კვარტალში ერთხელ) უზრუნველყოფილნი იქნებიან არაუმეტეს 75 (სამოცდათხუთმეტი) ლარის ღირებულების, სასურსათო პაკეტებით.