ვალეში შიდა გზის რეაბილიტაცია დაიწყო
ქალაქ ვალეში, თამარ მეფის ქუჩაზე, საავტომობილო გზის რეაბილიტაცია დაიწყო.
პროექტის ფარგლებში , ორ მონაკვეთზე ჯამში 907 მეტრი სიგრძის გზაზე ბეტონის საფარი იგება.
სარეაბილიტაციო სამუშაოები ახალციხის მუნიციპალიტეტის მერმა ირაკლი ლაზარაშვილმა, ინფრასტრუქტურის სამსახურის ხელმძღვანელთან და ვალის ადმინისტრაციული ერთეულის წარმომადგენელთან ერთად მოინახულა.
სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან გამოყოფილი თანხით ფინანსდება.
