სოფელ ურაველში, აგარის სამონასტრო კომპლექსთან მისასვლელი გზის სამუშაოები აქტიურ რეჟიმში გრძელდება. 

პროექტის ფარგლებში გზის 4,8 კილომეტრიან მონაკვეთზე ბეტონის საფარი ეწყობა. სამუშაოების დასრულების შემდეგ, აღნიშნული მიმართულებით, ტურისტები, მომლოცველები და ადგილობრივი მაცხოვრებლები უსაფრთხოდ და კომფორტულად გადაადგილდებიან. 

სამუშაოები რეგიონებში განსახორციელებელი პროექტების ფონდიდან და ახალციხის მუნიციპალიტეტის ბიუჯეტიდან ფინანსდება.